21 აგვისტო, 2022

მანქანის აფეთქების შემდეგ, რომელშიც ჟურნალისტი და პოლიტოლოგი დარია დუგინა იმყოფებოდა, სისხლის სამართლის საქმე განსაკუთრებით სახიფათო წესით ჩადენილი მკვლელობის მუხლით აღიძრა. ამის შესახებ კვირას ჟურნალისტებს რუსეთის ფედერაციის მოსკოვის რეგიონის საგამოძიებო კომიტეტის სათაო ოფისში განუცხადეს.

მანქანაში Land Cruiser Prado, რომელსაც დარია დუგინა მართავდა, სავარაუდოდ ასაფეთქებელი მოწყობილობა იყო დამონტაჟებული, რომელიც მაშინ ამოქმედდა, როდესაც ავტომანქანა ტრასაზე სრული სიჩქარით გადაადგილდებოდა. დეპარტამენტში განმარტეს, რომ მანქანის აფეთქება ოდინცოვოს რაიონში, სოფელ ბოლშიე ვიაზიომის მახლობლად 20 აგვისტოს, დაახლოებით 21:00 საათზე მოხდა. აფეთქების შემდეგ მანქანას ცეცხლი გაუჩნდა. რუსეთის ფედერაციის მოსკოვის რეგიონის საგამოძიებო კომიტეტის ხელმძღვანელის განცხადებაში ნათქვამია, რომ ავტომანქანას პოლიტოლოგი და ჟურნალისტი დარია დუგინა მართავდა, ის ადგილზევე დაიღუპა.

საზოგადოებრივი მოძრაობა, „რუსული ჰორიზონტის“ ხელმძღვანელმა, ანდრეი კრასნოვმა, რომელიც გარდაცვლილის ახლობელია, სააგენტო TASS-ს დაუდასტურა, რომ აფეთქების შედეგად დაღუპული დარია დუგინაა. ის ფესტივალიდან „ტრადიცია“ მანქანით ბრუნდებოდა. კრასნოვისვე თქმით, მანქანა ჟურნალისტის მამას, საზოგადო მოღვაწე ალექსანდრე დუგინს ეკუთვნის.

პრესსამსახურში დასძინეს, რომ შემთხვევის ადგილზე დათვალიერებას აგრძელებენ საგამოძიებო კომიტეტის მთავარი საგამოძიებო სამმართველოს კრიმინალისტები და გამომძიებლები, რუსეთის ფედერაციის საგამოძიებო კომიტეტის მთავარი სამმართველოს კოლეგებთან და ასაფეთქებელი ნივთიერებებზე მომუშავე სპეციალისტებთან ერთად.