საპარლამენტო ოპოზიცია ირაკლი ღარიბაშვილის ქონებასთან დაკავშირებით დროებითი საგამოძიებო კომისიის შექმნას ითხოვს
12 აპრ
საპარლამენტო ოპოზიციის 35 დეპუტატი ყოფილი პრემიერ-მინისტრის, ირაკლი ღარიბაშვილის ქონებასთან დაკავშირებით დროებითი საგამოძიებო კომისიის შექმნას ითხოვს.
ერთობლივი განცხადება თამარ კორძაიამ, ლევან ბეჟაშვილმა, ალეკო ელისაშვილმა, თაკო ჩარკვიანმა, თეონა აქუბარდიამ და ქეთი თურაზაშვილმა გამართეს.
კორძაიას განცხადებით, ოპოზიციას ღარიბაშვილის ქონებასთან დაკავშირებით საკმარისი ხელმოწერები აქვს შეგროვებული.
მისი თქმით, „ქართულმა ოცნებამ“ უნდა თქვას, მზად არის თუ არა კორუფციის პრობლემებზე სასაუბროდ, რომლის აღმოფხვრის ვალდებულება საქართველოს ევროპის წინაშე აქვს აღებული.