erimedia_ravk/8Bq8GhZIg.jpeg

28-29 სექტემბერს ბათუმი საერთაშორისო ტურისტულ ფორუმს და World Travel Awards-ის დაჯილდოების გალა ცერემონიას უმასპინძლებს

ამბები
28-29 სექტემბერს ბათუმი საერთაშორისო ტურისტულ ფორუმს და World Travel Awards-ის დაჯილდოების გალა ცერემონიას უმასპინძლებს
ამბები

28-29 სექტემბერს ბათუმი საერთაშორისო ტურისტულ ფორუმს და World Travel Awards-ის დაჯილდოების გალა ცერემონიას უმასპინძლებს

erimedia_ravk/8Bq8GhZIg.jpeg
27 სექ

28-29 სექტემბერს ბათუმი საერთაშორისო ტურისტულ ფორუმს და World Travel Awards-ის დაჯილდოების ევროპის გალა ცერემონიას უმასპინძლებს.

ღონისძიების ორგანიზაციულ საკითხებთან დაკავშირებით აჭარის მთავრობის დღევანდელ სხდომაზე აჭარის მთავრობის თავმჯდომარემ, თორნიკე რიჟვაძემ შესაბამის უწყებებს კონკრეტული დავალებები მისცა.

როგორც თორნიკე რიჟვაძემ აღნიშნა, ყველაფერი უნდა გააკეთონ, რათა ამ პრესტიჟულ ღონისძიებას ღირსეულად უმასპინძლონ.

„როგორც მოგეხსენებათ, ტურიზმის „ოსკარი“ ბათუმმა პირველად 2019 წელს აიღო. გასულ წელს კი, World Travel Awards-ის ევროპის ჯილდოს მოპოვების შემდეგ ბათუმმა ტურიზმის „ოსკარი“ უკვე როგორც მსოფლიოს სწრაფად მზარდმა ტურისტულმა მიმართულებამ მოიპოვა, რის შედეგადაც ბათუმს პატივი ერგო, ამ ქალაქში გამართულიყო ტურიზმის ოსკარის გალა დაჯილდოება. ყველაფერი უნდა გავაკეთოთ, რომ ამ პრესტიჟულ ღონისძიებას ღირსეულად ვუმასპინძლოთ“,-განაცხადა თორნიკე რიჟვაძემ.

ტურიზმის ოსკარის სახელით ცნობილ ღონისძიებას, World Travel Awards-ს საქართველო წელს პირველად უმასპინძლებს. ღონისძიების ფარგლებში ბათუმს 20-ზე მეტი ქვეყნის ტურიზმის ინდუსტრიის, მედიისა და ტურიზმის უწყებების 300-ზე მეტი წარმომადგენელი ესტუმრება. World Travel Awards-ის გალა ცერემონიას ბათუმში საერთაშორისო მედიის წარმომადგენლები და უცხოელი ბლოგერები დაესწრებიან. მათ შორის იქნებიან Euronews-ი, Wanderlust-ი, Emerging Europe-ი და EarthPix-ი.

აჭარის მთავრობის ინფორმაციით, 29 სექტემბერს, ბათუმში ცნობილი გახდება, რომელი ქვეყნები, ქალაქები და კომპანიები დასახელდებიან ევროპის წამყვან ტურისტულ მიმართულებებად თუ კომპანიებად და რომელი მათგანი აიღებს World Travel Awards-ის პრესტიჟულ ჯილდოს. World Travel Awards-ის ნომინაციებში წელს ბათუმის ბოტანიკური ბაღი და ბულვარიც იქნება წარდგენილი. ბათუმის ბოტანიკური ბაღი ევროპის წამყვანი ბოტანიკური ბაღის ნომინაციაში მადრიდის, ედინბურგის, ბერლინისა და სხვა ცნობილი ევროპული ქვეყნების ბოტანიკურ ბაღებს გაუწევს კონკურენციას.

World Travel Awards-ის ევროპის დაჯილდოების გალა ცერემონიასთან ერთად, ბათუმში გაიმართება საერთაშორისო ტურიზმის ფორუმი. ის დაჯილდოების ღონისძიებამდე ერთი დღით ადრე, 28 სექტემბერს ჩატარდება.

ხშირად ნანახი
Სარეკლამო
Სარეკლამო
ამბები
მეტი სიახლეები ამბები
„ქართული ოცნება“ - ქვეყნის სუვერენიტეტითა და უსაფრთხოებით ვაჭრობას არ ვაპირებთ, შანტაჟი ვერ გვაიძულებს, გადავდგათ ქვეყნის საწინააღმდეგო ნაბიჯი, სანქციები თავად სანქციის დამწესებელს აზიანებს
შვიდი ოპოზიციური პარტიის განცხადება - აშშ-ის მხარდაჭერა მოქალაქეების პროტესტის დამსახურებაა, ვაფასებთ აშშ-ის ძალისხმევას ჩვენი ქვეყნის ევროატლანტიკური მომავლის დაცვის საქმეში
ლევან ხაბეიშვილი - მადლობა ამერიკის შეერთებულ შტატებს ქართველი ხალხის მხარდაჭერისთვის
ალექსეი გონჩარენკო - ჩვენ უნდა ვიმოქმედოთ, შეგვიძლია, საქართველოში წავიდეთ, ქართველებო, იბრძოლეთ თავისუფლებისთვის
ენტონი ბლინკენი - ვიწყებ აშშ-სა და საქართველოს შორის ორმხრივი თანამშრომლობის ძირეულ გადახედვას, იმედი გვაქვს, საქართველოს ლიდერები გადახედავენ კანონპროექტს და გადადგამენ ნაბიჯებს ერის დემოკრატიული, ევროატლანტიკური მისწრაფებებისკენ
Სარეკლამო
გერმანიის საგარეო საქმეთა მინისტრი ანალენა ბერბოკი კიევში ჩავიდა
ერთ-ერთი ამერიკელი კონგრესმენის მიერ ინიცირებულ კანონპროექტთან დაკავშირებით „ქართული ოცნების“ პოლიტიკური საბჭო განცხადებას ავრცელებს
ირანში საპრეზიდენტო არჩევნები 28 ივნისს გაიმართება
ჰააგის სასამართლოს გადაწყვეტილების საპასუხოდ, აშშ-ის წარმომადგენელთა პალატის რესპუბლიკელი ლიდერები სანქციების დაწესებას განიხილავენ
საფრანგეთი მხარს უჭერს ჰააგის სასამართლოს გადაწყვეტილებას ისრაელის პრემიერისა და „ჰამასის“ ლიდერების დაპატიმრების ორდერის მოთხოვნის შესახებ
მეტის ჩვენება
Სარეკლამო