2 სექტემბერი, 2022

უკვე ცნობილია რამდენიმე სიახლე, რაც ზოგადსაგანმანათლებლო დაწესებულებებს 2022-2023 სასწავლო წელს შეეხებათ:

- „ზოგადი განათლების შესახებ“ საქართველოს კანონში შესული ცვლილების თანახმად, სკოლაში სწავლის დაწყებას ის 5 წლის მოსწავლეებიც შეძლებენ, ვისაც მიმდინარე წლის 01 ოქტომბრამდე 6 წელი უსრულდებათ;

- საქართველოს განათლებისა და მეცნიერების მინისტრის გადაწყვეტილებით, პირველი კლასის მოსწავლეები ჭადრაკს შეისწავლიან;

- X კლასის მოსწავლეები სწავლას ახალი გრიფირებული სახელმძღვანელოებით გააგრძელებენ;

- ასევე X კლასში, ისტორიის საგანი გაიყო ორ ნაწილად და მოსწავლეები "ისტორიას" და "საქართველოს ისტორიას" ცალ-ცალკე საგნად შეისწავლიან;

- საშუალო საფეხურს დაემატა სავალდებულო პროექტებით სწავლება სახვით და გამოყენებით ხელოვნებაში, მუსიკაში და სამოქალაქო განათლებაში. პროექტის შერჩევა ხდება მოსწავლესთან შეთანხმებით. პროექტი შეიძლება განხორციელდეს ინდივიდუალურად ან ჯგუფურად და მასზე მუშაობის ხანგრძლივობაა 1 სემესტრი. პროექტზე სამუშაოდ გამოყოფილია კვირაში 1 საათი. თუმცა, სკოლა (მასწავლებელი) მოსწავლესთან შეთანხმებით ადგენს პროექტზე მუშაობის გრაფიკს, სწავლების ფორმატს (მას შეიძლება არ ჰქონდეს მკაცრად განსაზღვრული 45 წუთიანი გაკვეთილის სახე), ის შეიძლება წარიმართოს კლუბური მუშაობის მსგავსად, იმ დოზით და იმ ფორმატით, რასაც მოსწავლის (ან კლასის) საჭიროება მოითხოვს;

- 2022-2023 სასწავლო წლიდან სკოლებში ეტაპობრივად დაიწყება ექიმის საათის დანერგვა.