რუსთაველის გამზირზე, პარლამენტთან მიმდინარე აქციაზე ოპოზიციის ლიდერები სიტყვით გამოვიდნენ. მათ შორის იყვნენ „სტრატეგია აღმაშენებლის“ ლიდერი გიორგი ვაშაძე, პარტია „ახალის“ ლიდერი ნიკა გვარამია, „ლელოს“ თავმჯდომარე მამუკა ხაზარაძე და „ნაციონალური მოძრაობის“ თავმჯდომარე ლევან ხაბეიშვილი.

მათ გამოჩენას აქციის მონაწილეებს შორის არაერთგვაროვანი რეაქცია მოჰყვა.

შეგახსენებთ, რომ დღეს აქციის მონაწილეებს სიტყვით ასევე მიმართეს საქართველოში ვიზიტით მყოფმა ევროკავშირის წევრი ხუთი ქვეყნის – ჩეხეთის, პოლონეთის, გერმანიის, ლიეტუვის, ფინეთის პარლამენტთა საგარეო საქმეთა კომიტეტების თავმჯდომარეებმა.

რუსთაველის გამზირზე შეკრებილები „უცხოური გავლენის გამჭვირვალობის შესახებ“ კანონს აპროტესტებენ, რომელიც პარლამენტმა სამშაბათს, 14 მაისს მესამე მოსმენით მიიღო.