უკრაინის პრეზიდენტის ადმინისტრაციის ხელმძღვანელის ყოფილი მრჩეველი ალექსეი არესტოვიჩი აპირებს, რომ მონაწილეობა მიიღოს საპრეზიდენტო არჩევნებში, რომლის ჩატარების თარიღიც უკრაინაში მიმდინარე ომის გამო უცნობია. ამის შესახებ ინფორმაციას უკრაინული მედია ავრცელებს.

კითხვაზე, მიიღებს თუ არა მონაწილეობას უკრაინის საპრეზიდენტო არჩევნებში, არესტოვიჩმა აღნიშნა, რომ კენჭისყრას აპირებს.

არესტოვიჩმა ასევე დაადასტურა, რომ წინადადებები უკრაინაში პოლიტიკურ, ეკონომიკურ, სოციალურ, სამხედრო და სხვა რეფორმებთან დაკავშირებით, რომელიც სოციალურ ქსელებში ოთხშაბათს გამოქვეყნდა, მისი საარჩევნო პროგრამაა.