ანაკლიამ კავკასიურ პოეზიის ფესტივალს Anaklia 2022-ს უმასპინძლა. ღონისძიება 30 სექტემბერს გაიხსნა და ორი დღე გაგრძელდა. ფესტივალის ორგანიზატორები ჩერქეზული კულტურის ცენტრი (თბილისი) და ზუგდიდის მუნიციპალიტეტის მერია იყვნენ.

ღონისძიებაზე ახალი ლიტერატურული გამოცემის პრეზენტაცია შედგა. ფესტივალში მონაწილეობდნენ პოეტები, მწერლები და მუსიკოსები დაღესტნიდან, ჩეჩნეთიდან, ინგუშეთიდან, იორდანიიდან, თურქეთიდან და ამერიკის შეერთებული შტატებიდან.

ხელოვანებმა თავიანთი ორიგინალური ნაწარმოებები მშობლიურ ენებზე წარმოადგინეს. ფესტივალზე ასევე გაეცვნენ კავკასიის ხალხების ენებზე შექმნილი ლექსების თარგმანებს.

აღსანიშნავია, რომ ფესტივალს საფუძველი 2017 წელს ჩაეყარა. 2018 წელს ღონისძიება თამაზ ჟორჟოლიანის, ხოლო 2019 წელს ზვიად გამსახურდიას ხსოვნას მიეძღვნა.