აფხაზეთის დე ფაქტო პარლამენტი რუსეთისთვის ბიჭვინთის ნაკრძალისა და საზღვაო აკვატორიის 49 წლით გადასაცემად ემზადება
19 ივლისი, 2022
აფხაზეთის დე ფაქტო პარლამენტმა მიმდინარე კვირის სესიაზე ბიჭვინთის ე.წ. სახელმწიფო აგარაკი და მიმდებარე საზღვაო აკვატორია რუსეთს საკუთრებაში 49 წლით უნდა გადასცეს.
დე ფაქტო უშიშროების საბჭოს მდივანი, სერგეი შამბა რუსეთის საკუთრებაში ბიჭვინთის ე.წ. სახელმწიფო აგარაკის გადაცემის საკითხს მეორეხარისხოვნად მიიჩნევს და ყურადღებას „ეთნოსისა და სახელმწიფოს“ დაცვაზე ამახვირელბს, რის „სამხედრო-პოლიტიკურ ქოლგასაც“, შამბას შეფასებით, რუსეთი წარმოადგენს.
„აფსნიპრესის“ მიერ გამოქვეყნებულ განცხადებაში შამბა წერს, რომ ბიჭვინთის პარკი რუსეთს მადლიერების ნიშნად უნდა გადაეცეს, რომელიც „მზარდი გეოპოლიტიკური, სამხედრო და ეკონომიკური რისკების“ ფონზე აფხაზეთისთვის უსაფრთხოების გარანტია.
„ბიჭვინთის სახელმწიფო აგარაკის რუსეთის ფედერაციის საკუთრებაში გადაცემა, რომლის სამზადისიც მიმდინარეობს, არა მხოლოდ ჩვენი მოკავშირის, მეზობლის მიმართ დიდი მადლიერების გამოხატვის ფორმაა, არამედ ჩვენს ქვეყნებს შორის ძმური კავშირის განმტკიცებისა და ჩვენი უსაფრთხოებისთვის არის საჭირო“, - წერს შამბა.
