რეგიონში ტემპერატურა დუღილის წერტილს უახლოვდება, – ამის შესახებ საგარეო საქმეთა საკითხებში არაბთა გაერთიანებული საამიროების სახელმწიფო მინისტრმა, ნურა ალ-ქააბიმ განაცხადა.

ალ-ქააბიმ აღნიშნა, რომ სპარსეთის ყურის სახელმწიფო, რომელმაც 2020 წელს, აშშ-ის შუამავლობით გაფორმებული შეთანხმებით, სრული დიპლომატიური ურთიერთობები დაამყარა ისრაელთან, ჰუმანიტარული ცეცხლის შეწყვეტის უზრუნველსაყოფად „დაუღალავად“ მუშაობს.

„კონფლიქტის რეგიონული გავრცელების და შემდგომი ესკალაციის რისკი რეალურია, ასევე არსებობს რისკი, რომ იდეოლოგიების ხელშეწყობისთვის სიტუაციით ისარგებლონ ექსტრემისტულმა ჯგუფებმა, რაც ძალადობის ციკლებში დაგვაკავებს. ყველაფერი უნდა გაკეთდეს, რათა მშვიდობიანი მოსახლეობა დავიცვათ და ეს კონფლიქტი დაუყოვნებლივ დასრულდეს“, – განაცხადა არაბთა გაერთიანებული საამიროების მთავრობის წარმომადგენელმა.