აშშ-ის წარმომადგენელთა პალატამ პრეზიდენტ ჯო ბაიდენის
აშშ-ის წარმომადგენელთა პალატამ პრეზიდენტ ჯო ბაიდენის საიმპიჩმენტო გამოძიების ოფიციალურად დაწყებას მხარი დაუჭირა. ინფორმაციას „როიტერი“ ავრცელებს.
მედიის ინფორმაციით, წარმომადგენელთა პალატამ, რომლის უმრავლესობას რესპუბლიკელები წარმოადგენენ, გამოძიების დაწყების შესახებ რეზოლუცია 221 ხმით 212-ის წინააღმდეგ დაამტკიცა.
რესპუბლიკელები აცხადებენ, რომ რეზოლუცია მათ მეტ უფლებამოსილებას მისცემს მტკიცებულებების შეგროვებისა და სამართლებრივი მოთხოვნების აღსრულებისთვის.
წარმომადგენელთა პალატის რესპუბლიკელები დემოკრატ პრეზიდენტს და მის ოჯახს პოლიტიკური გადაწყვეტილებებიდან არამართლზომიერი შემოსავლის მიღებაში ადანაშაულებენ, რომლებშიც ბაიდენი, როგორც ვიცე-პრეზიდენტი, ობამას ადმინისტრაციის დროს მონაწილეობდა.
შეერთებული შტატების პრეზიდენტმა თავის მხრივ წარმომადგენელთა პალატაში გამართულ კენჭისყრას უსაფუძვლო პოლიტიკური ნაბიჯი უწოდა.
