აშშ-ის გამოძიების ფედერალურმა ბიურომ გაერო-ს ყოფილი ექსპერტის, სკოტ რიტერის სახლში ჩხრეკა ჩაატარა
აშშ-ის გამოძიების ფედერალურმა ბიურომ (FBI) ყოფილი ამერიკელი მზვერავის, გაერო-ს ყოფილი ინსპექტორის სკოტ რიტერის სახლში ჩხრეკა ჩაატარა.
როგორც თავად რიტერმა საკუთარ სახლთან შეკრებილ ჟურნალისტებს განუცხადა, მას ბრალად ამერიკული უცხოური აგენტების რეგისტრაციის აქტის, FARA-ს დარღვევაში ადანაშაულებენ.
„ის, რაც ჩემს სახლში ხდება, უკავშირდება იმას, რომ აშშ-ის მთავრობა მე უცხოური აგენტების რეგისტრაციის აქტის დარღვევაში მადანაშაულებს. მე ახლავე გეტყვით, რომ არ დამირღვევია უცხოური აგენტების რეგისტრაციის აქტი“, - განაცხადა მან.
რიტერი მიიჩნევს, რომ სინამდვილეში ჩხრეკა თავისუფალ სიტყვაზე ზეწოლას ემსახურება, ვინაიდან ის ბოლო პერიოდში უკრაინაში აშშ-ის მიერ გატარებულ პოლიტიკას აკრიტიკებდა.
მისი თქმით, ის არ აპირებს გაჩუმებას და მაინც გააგრძელებს თავისი საქმის კეთებას.
