აშშ-ის რესპუბლიკური პარტიის წევრებმა წარმომადგენელთა პალატის სპიკერის თანამდებობაზე ოჰაიოს შტატის კონგრესმენის, ჯიმ ჯორდანის კანდიდატურა წამოაყენეს, თუმცა, პოსტზე დასამტკიცებლად მან ხმათა უმრავლესობის მოპოვება ჯერ ვერ შეძლო. ამის შესახებ ინფორმაციას CNN ავრცელებს.

ჯიმ ჯორდანს თანამდებობის დასაკავებლად 217 კონგრესმენის მხარდაჭერა სჭირდება. წარმომადგენელთა პალატაში რესპუბლიკური პარტია 221 მანდატიან უმრავლესობას ფლობს, თუმცა, ამ ეტაპზე 50-მა მათგანმა პოზიცია ჯორდანის წინააღმდეგ დააფიქსირა. ჯორდანის მხარდამჭერები ფიქრობენ, რომ თანაპარტიელთა გადაბირებას შეძლებენ.

აღსანიშნავია, რომ ჯიმ ჯორდანი დონალდ ტრამპის მხარდამჭერია.

სპიკერის კანდიდატურა ვაკანტური 3 ოქტომბერს გახდა, როდესაც კენჭისყრის შედეგად, კევინ მაკარტი გადააყენეს.