აშშ-ის სახელმწიფო მდივნის თანაშემწე კარენ დონფრიდი 17 ივნისს თბილისს ეწვევა

ამბები/ წყარო: www.interpressnews.ge
აშშ-ის სახელმწიფო მდივნის თანაშემწე კარენ დონფრიდი 17 ივნისს თბილისს ეწვევა
ამბებიწყარო: www.interpressnews.ge

აშშ-ის სახელმწიფო მდივნის თანაშემწე კარენ დონფრიდი 17 ივნისს თბილისს ეწვევა

12 ივნისი, 2022

erimedia_ravk/T_UWchCng.webp

ევროპისა და ევრაზიის საკითხებში აშშ-ის სახელმწიფო მდივნის თანაშემწე კარენ დონფრიდი 17 ივნისს თბილისს ეწვევა, სადაც ის საქართველოს პრეზიდენტის სალომე ზურაბიშვილის მიერ ორგანიზებულ „თბილისის ქალთა საერთაშორისო კონფერენციაზე“ სიტყვით გამოვა. ინფორმაციას სახელმწიფო დეპარტამენტი აქვეყნებს. ამერიკელი მაღალჩინოსანი ასევე შეხვდება საქართველოს პრემიერ-მინისტრს ირაკლი ღარიბაშვილს და ხელისუფლების სხვა წარმომადგენლებს, ისევე როგორც, ოპოზიციისა და სამოქალაქო საზოგადოების წარმომადგენლებს.

სახელმწიფო დეპარტამენტის ინფორმაციით, განსახილველ თემებს შორისაა უკრაინის წინააღმდეგ კრემლის არაპროვოცირებული ომი და აშშ-ს მტკიცე მხარდაჭერა საქართველოს სუვერენიტეტისა და ტერიტორიული მთლიანობისადმი მის საერთაშორისოდ აღიარებულ საზღვრებში.

„სახელმწიფო მდივნის თანაშემწე აგრეთვე განიხილავს იმას, თუ როგორ შეუძლია შეერთებულ შტატებს საქართველოს დემოკრატიული განვითარებისა და კანონის უზენაესობის წინსვლაში, საქართველოს ეკონომიკის დივერსიფიკაციასა და წარმატებული მომავლის მშენებლობაში შემდგომი მხარდაჭერა“, - აღნიშნულია სახელმწიფო დეპარტამენტის განცხადებაში.

დონფრიდი, თბილისამდე, 15 და 16 ივნისს ბაქოს ეწვევა, სადაც აზერბაიჯანის პრეზიდენტს ილჰამ ალიევსა და მთავრობის სხვა წარმომადგენლებს და სამოქალაქო საზოგადოების წევრებს შეხვდება. 18 ივნისს, ევროპისა და ევრაზიის საკითხებში სახელმწიფო მდივნის თანაშემწე, ერევანში გაემგზავრება, სადაც სომხეთის პრემიერ-მინისტრს ნიკოლ ფაშინიანსა და ქვეყნის ხელისუფლების სხვა წარმომადგენლებს შეხვდება.

როგორც სახელმწიფო დეპარტამენტის მიერ გავრცელებულ განცხადებაშია აღნიშნული, კარენ დონფრიდი აზერბაიჯანს, საქართველოსა და სომხეთს სტუმრობს, რათა ხაზი გაუსვას სამხრეთ კავკასიის რეგიონში მშვიდობის, დემოკრატიისა და კეთილდღეობისადმი აშშ-ის ერთგულებას. სამივე სახელმწიფოსთან დიპლომატიური ურთიერთობების 30 წლის იუბილეს აღსანიშნავად, მდივნის თანაშემწე ყურადღებას გაამახვილებს ქვეყნების სუვერენიტეტისა და დამოუკიდებლობის მიმართ აშშ-ს მხარდაჭერაზე.

გარდა ამისა, ის ასევე ხაზს გაუსვამს ამერიკის შეერთებული შტატების მზადყოფნას დაეხმაროს სამხრეთ კავკასიას გრძელვადიანი მშვიდობის დამყარებაში, მათ შორის მთელ რეგიონში პოლიტიკური, ეკონომიკური და ხალხთა შორის კავშირების განვითარების მხარდაჭერის კუთხით.

ხშირად ნანახი
Სარეკლამო
Სარეკლამო
მეტი სიახლეები ამბები
ირაკლი გოგავა - არ შეიძლება უცხო ქვეყანაში აღზრდილი იყოს ხელისუფლებაში მაღალ პოზიციაზე, ვინც არ უნდა დაგვაძალოს მისი დანიშვნა ან არჩევა. ასეთი ხალხი ყოველთვის მის აღმზრდელ ქვეყანას ემსახურება
26 მაისს საქართველო დამოუკიდებლობის დღეს აღნიშნავს
ბაქო-თბილისი-ყარსის რკინიგზის მოდერნიზებული მარშრუტით პირველი სატვირთო მატარებელი თურქეთში ჩავიდა
სახალხო დამცველი რატი იონათამიშვილის გამოსახულებით ფოტომონტაჟის გავრცელებას ეხმაურება სახალხო დამცველი რატი იონათამიშვილის გამოსახულებით ფოტომონტაჟის გავრცელებას ეხმაურება
კანონპროექტის მიხედვით, აშშ სანქციებს უწესებს ნებისმიერ პირს, რომელიც 2012 წლის პირველ იანვარს ან მის შემდეგ მუშაობდა პარლამენტის წევრად, აპარატის უფროს თანამშრომლად, ან იყო ან არის მოქმედი ან ქართული პოლიტიკური პარტიის ყოფილი მაღალჩინოსანი
Სარეკლამო
შალვა პაპუაშვილი - დარწმუნებული ვარ, დეზინფორმაციის კამპანიის მსგავსად, გამჭვირვალობის კანონზეც დრო აჩვენებს, რომ მისი მიზანია გამოწვევების წინაშე მდგარი საქართველოს მედეგობის გაძლიერება
„ქართული ოცნება“ - ქვეყნის სუვერენიტეტითა და უსაფრთხოებით ვაჭრობას არ ვაპირებთ, შანტაჟი ვერ გვაიძულებს, გადავდგათ ქვეყნის საწინააღმდეგო ნაბიჯი, სანქციები თავად სანქციის დამწესებელს აზიანებს
შვიდი ოპოზიციური პარტიის განცხადება - აშშ-ის მხარდაჭერა მოქალაქეების პროტესტის დამსახურებაა, ვაფასებთ აშშ-ის ძალისხმევას ჩვენი ქვეყნის ევროატლანტიკური მომავლის დაცვის საქმეში
ლევან ხაბეიშვილი - მადლობა ამერიკის შეერთებულ შტატებს ქართველი ხალხის მხარდაჭერისთვის
ალექსეი გონჩარენკო - ჩვენ უნდა ვიმოქმედოთ, შეგვიძლია, საქართველოში წავიდეთ, ქართველებო, იბრძოლეთ თავისუფლებისთვის
მეტის ჩვენება
Სარეკლამო