აშშ-ის ვიცე-პრეზიდნეტი კამალა ჰარისი სამხრეთ კორეაში ჩავიდა
29 სექტემბერი, 2022
აშშ-ის ვიცე-პრეზიდენტი კამალა ჰარისი სამხრეთ კორეაში ჩავიდა.
BBC-ის ინფორმაციით, ვიზიტი ჩრდილოეთ კორეის მიერ აღმოსავლეთ სანაპიროდან ორი მცირე რადიუსის ბალისტიკური რაკეტის გაშვების მეორე დღეს შედგა. ჩრდილოეთ კორეამ სარაკეტო გამოცდა მას შემდეგ ჩაატარა, რაც აშშ და სამხრეთ კორეა კორეის ნახევარკუნძულის მიმდებარე წყლებში ერთობლივ საზღვაო წვრთნებს ატარებენ. სამხრეთ კორეისა და იაპონიის ოფიციალურმა პირებმა ეს "პროვოკაცია" სასტიკად დაგმეს.
ვიზიტის ფარგლებში, აშშ-ის ვიცე-პრეზიდენტი საზღვართან გაემგზავრება და ასევე ეწვევა ძლიერ გამაგრებულ დემილიტარიზებულ ზონას (DMZ), რომელიც ჩრდილოეთ და სამხრეთ კორეას ჰყოფს.
გავრცელებული ცნობით, კამალა ჰარისი ოფიციალურ სეულთან აშშ-ის, სამხრეთ კორეისა და იაპონიის სამმხრივ ურთიერთობას და ტაივანის სრუტეში ჩინეთის ქმედებებსაც განიხილავს.
ამასთან, იაპონიის ზღვაში ხვალ აშშ, სამხრეთ კორეა და იაპონია ერთობლივ წვრთნებს გამართავენ.
