აშშ-ს სახელმწიფო მდივანი უკრაინის საგარეო საქმეთა მინისტრს შეხვდა.

ენტონი ბლინკენის განცხადებით, ოფიციალური ვაშინგტონი უკრაინის კონტრშეტევის პროგრესს ხედავს და იზრუნებს იმაზე, რომ უკრაინამ, როგორც ახლა, ისე გრძელვადიან პერსპექტივაში საჭირო დახმარება მიიღოს.

აღნიშნული განცხადება ბლინკენმა უკრაინის საგარეო საქმეთა მინისტრთან, დმიტრო კულებასთან ერთობლივ პრესკონფერენციაზე გააკეთა.

მან აღნიშნა, რომ აშშ გააგრძელებს თანამშრომლობას ყველა პარტნიორთან იმისთვის, რომ უკრაინას აღდგენაში, ძლიერი ეკონომიკის და ძლიერი დემოკრატიის ჩამოყალიბებაში დაეხმაროს. შეგახსენებთ, რომ აშშ-ს სახელმწიფო მდივანი, ენტონი ბლინკენი ორდღიანი ოფიციალური ვიზიტით კიევს დღეს ეწვია.