28 სექტემბერი, 2022

აშშ უკრაინას 1.1 მილიარდი დოლარის სამხედრო დახმარების ახალ პაკეტს გამოუყოფს, რომელიც Himars-ის 18 საარტილერიო სისტემას მოიცავს. ინფორმაციას ამის აშშ-ის თავდაცვის დეპარტამენტი ავრცელებს.

HIMARS-ის სარაკეტო სისტემების გარდა, სამხედრო დახმარების ახალ პაკეტში შედის:

• 150 შეჯავშნული ჰამერი (HMMWV);
• 150 ტაქტიკური მანქანა იარაღის ბუქსირებისთვის;
• 40 სატვირთო მანქანა და 80 მისაბმელი მძიმე ტექნიკის გადასაყვანად;
• 2 რადარი უპილოტო საფრენი აპარატებისთვის;
• 20 მრავალფუნქციური რადარი; უპილოტო საფრენი აპარატების საწინააღმდეგო სისტემები;
• ტაქტიკური უსაფრთხო საკომუნიკაციო სისტემები, სათვალთვალო სისტემები და ოპტიკა;
• ფეთქებადი იარაღის განადგურების აღჭურვილობა;
• დამცავი ჟილეტები და სხვა საველე აღჭურვილობა;
• წვრთნის, მომსახურებისა და დახმარების დაფინანსება.

აშშ-ის თავდაცვის დეპარტამენტის განცხადებაში ასევე აღნიშნულია, რომ რუსეთის უკრაინაში შეჭრიდან დღემდე, აშშ-მა უკრაინას უსაფრთხოების სფეროში 16.2 მილიარდი დოლარის დახმარება გამოუყო.