17 სექტემბერი, 2022

აზერბაიჯანის თავდაცვის სამინისტროს ცნობით, 12-14 სექტემბერს სომხეთის საზღვარზე მომხდარი ესკალაციის შედეგად - 282 აზერბაიჯანელი სამხედრო მოსამსახურე დაიჭრა.

„282 დაჭრილი სამხედროდან 43 ადამიანი პირველადი სამედიცინო დახმარების გაწევის შემდეგ არმიაში დაბრუნდა. 115 პირის მდგომარეობა დამაკმაყოფილებელია, 103-ის - საშუალო სიმძიმისაა, 21-ის კი მძიმეა. ამავდროულად, აზერბაიჯანის მიერ სომხეთის შეიარაღებული ძალების პროვოკაციის შედეგად, დაშავებულია 2 მშვიდობიანი მოქალაქე. ერთი დაშავებული პირველადი დახმარების გაწევის შემდეგ სახლიდან გაწერეს, მეორეს მდგომარეობა საშუალო სიმძიმისაა“, - ნათქვამია ანგარიშში.

ამავდროულად, ცნობლი ხდება, რომ სომხეთმა აზერბაიჯანის წინააღმდეგ მართლმსაჯულების საერთაშორისო სასამართლოში საჩივარი შეიტანა. ამის შესახებ სააგენტო „არსენპრესს“ ევროსასამართლოში სომხეთის წარმომადგენლობის პრესმდივანმა, ჰასმიკ სამველიანმა განუცხადა.

„სომხეთმა მიმართა საერთაშორისო სასამართლოს აზერბაიჯანის მიერ ჩადენილი სამხედრო დანაშაულის საფუძველზე“, - განაცხადა სამველიანმა.

მისი თქმით, წერილი უკვე გაიგზავნა, თუმცა, ის ოფიციალურად 19 სექტემბერს გამოქვეყნდება.