აზერბაიჯანმა მთიანი ყარაბაღის აღდგენისთვის 3 მლრდ დოლარი გამოყო
25 სექტემბერი, 2022
აზერბაიჯანმა, მთიანი ყარაბაღის ტერიტორიაზე ქალაქებისა და სოფლების ინფრასტრუქტურის აღდგენისთვის, სახელმწიფო ბიუჯეტიდან 3 მლრდ დოლარი გამოყო. ამის შესახებ ქვეყნის საგარეო საქმეთა მინისტრმა, ჯეიჰუნ ბაირამოვმა განაცხადა.
„პოსტკონფლიქტურ პერიოდში გათავისუფლებულ ტერიტორიებზე ქალაქები და სოფლები ნულიდან შენდება. ჩვენ დაგეგმვის ახალი მეთოდები გამოვიყენეთ, როგორიცაა „ჭკვიანი ქალაქები“, „ჭკვიანი სოფლები“. გარდა ამისა, ამ მიზნებისათვის სახელმწიფო ბიუჯეტიდან 3 მლრდ დოლარზე მეტი გამოიყო. აზერბაიჯანი მზადაა მომავალში კიდევ უფრო მეტი ინვესტიცია განახორციელოს ამ მიწების აღდგენაში“, - განაცხადა ბაირამოვმა გაეროს გენერალური ასამბლეის 77-ე სესიაზე. მისი გამოსვლა გაეროს ვებგვერდზე გავრცელდა.
2020 წლის სექტემბერში მთიან ყარაბაღში განხორციელებული საომარი მოქმედებების შედეგად, ქალბაჯარისა და ლაჩინის რაიონები და აღდამის რეგიონის ნაწილი, რომლებიც მანამდე არაღიარებული მთიანი ყარაბაღის რესპუბლიკის კონტროლს ექვემდებარებოდა, აზერბაიჯანს გადაეცა.
