აზერბაიჯანის პრეზიდენტმა, ილჰამ ალიევმა ესპანეთის ქალაქ გრანადაში სომხეთის პრემიერ-მინისტრთან, ნიკოლ ფაშინიანთან შეხვედრაზე უარი თქვა. ამის შესახებ ინფორმაციას აზერბაიჯანული მედია ავრცელებს.

მათივე ინფორმაციით, გრანადაში ნიკოლ ფაშინიანთან ალიევის შეხვედრა ევროკავშირის, საფრანგეთისა და გერმანიის ლიდერების მონაწილეობით უნდა გამართულიყო.

აზერბაიჯანული მედია წერს, რომ „ვიზიტის გაუქმების მიზეზი საფრანგეთის დესტრუქციული პოზიცია და შეხვედრაში თურქეთის მონაწილეობასთან დაკავშირებით პარიზსა და ბერლინს შორის უთანხმოება გახდა".