აზერბაიჯანული მედიის ცნობით, ირანი აზერბაიჯანის საზღვარზე, ნახჩევანთან ჯარის და სამხედრო ტექნიკის მობილიზებას ახდენს. მათივე ინფორმაციით, გავრცელდა ვიდეოკადრები, სადაც სამხედრო ტექნიკის გადაადგილება არის ასახული.

ასევე აზერბაიჯანული მედიის ცნობით, სომხეთი აზერბაიჯანის მოსაზღვრე რაიონებში ჯარის მობილიზებას ახდენს და აზერბაიჯანის საზღვარზე მძიმე არტილერიის კონცენტრირებას აგრძელებს.

გარდა ამისა, აზერბაიჯანული მედიის ცნობით, სომხეთის შეიარაღებულმა ძალებმა აზერბაიჯანის არმიის პოზიციებს ცეცხლი გაუხსნეს. როგორც მედია წერს, 9 სექტემბერს, ადგილობრივი დროით 03:55 საათზე, სომხეთის შეიარაღებული ძალების ქვედანაყოფებმა დავალის რაიონის მიმართულებით მდებარე პოზიციებიდან აზერბაიჯანის არმიის პოზიციებს სადარაკის რაიონის მიმართულებით ცეცხლი გაუხსნეს.

აზერბაიჯანული მედიის ცნობით, აზერბაიჯანის არმიის ნაწილებმა საპასუხო ზომები მიიღეს.