აზერბაიჯანული მხარის ცნობით, ბაქომ ერევანს 32 სომეხი ჯარისკაცის ცხედარი გადასცა, ინფორმაცია დაადასტურა სომხეთის თავდაცვის უწყებამაც
17 სექტემბერი, 2022
ბაქომ ერევანს 32 დაღუპული სომეხი ჯარისკაცის ცხედარი გადასცა. აზერბაიჯანული მედიის ცნობით, აღნიშნულის შესახებ აზერბაიჯანის რესპუბლიკის ტყვეთა, უგზო-უკვლოდ დაკარგულთა და მძევლების საკითხების სახელმწიფო კომისიაში განაცხადეს.
„ვაცხადებთ, რომ საომარი მოქმედებების შემდეგ აზერბაიჯანის კონტროლის ქვეშ გადასულ ტერიტორიებზე ნაპოვნი 32 სომეხი სამხედრო მოსამსახურის ცხედარი გამოკვლეულ იქნა აზერბაიჯანის სამხედრო პროკურატურის შესაბამის თანამშრომლებთან ერთად და მათზე ძალადობის ნიშნები არ გამოავლინა. 17 სექტემბერს ეს ცხედრები მოპირდაპირე მხარეს გადაეცა. ამჟამად სომეხი სამხედროების სხვა ცხედრებს ექსპერტიზა უტარდებათ და ისინი უახლოეს მომავალში იქნებიან გადაცემულნი“, – აცხადებენ კომისიაში.
ცხედრების გადაცემის ფაქტი, სომხეთის თავდაცვის სამინისტრომაც დაადასტურა.
