აშშ-ის პრეზიდენტმა, ჯო ბაიდენმა განაცხადა, რომ G20-ის სამიტზე რუსეთის ფედერაციის პრეზიდენტ, ვლადიმერ პუტინთან შეხვედრას არ გამორიცხავს. ამის შესახებ ინფორმაციას ბრიტანული გამოცემა "The Guardian" ავრცელებს.

"ვნახოთ", - უპასუხა აშშ-ის პრეზიდენტმა შეკითხვას, გამოიყენებდა თუ არა ის G20-ის სამიტს, როგორც პუტინთან დალაპარაკების შესაძლებლობას.

„დიდი ოცეულის“ (G20) სამიტი ინდონეზიაში 15-16 ნოემბერს გაიმართება. ამ ეტაპზე უცნობია დაესწრება თუ არა რუსეთის პრეზიდენტი სამიტს.