ბალტიის ზღვაში ნატო-ს წევრი ქვეყნების მასშტაბური სამხედრო-საზღვაო წვრთნები დაიწყო.

მედიის ცნობით, წვრთნები ლატვიისა და ესტონეთის სანაპიროებთან დაიწყო.

საზღვაო მანევრების ამოცანა რუსეთის სავარაუდო თავდასხმაზე ნატო-ს ძალების საპასუხო რეაქციის დამუშავებაა. საზღვაო მანევრებში დაახლოებით 30 ხომალდი და 3 000-მდე სამხედრო მოსამსახურე მონაწილეობს, მათ შორის შვედეთი, კანადა, აშშ, ბელგია და საფრანგეთი.

გერმანელმა ვიცე-ადმირალმა, იან კრისტიან კააკმა აღნიშნა, რომ მტრის შეკავება როგორც თავდაცვითი, ასევე შეტევითი შესაძლებლობების არსებობას მოითხოვს.

„ჩვენ რუსეთს სიფხიზლის მკაფიო სიგნალს ვუგზავნით“, – განაცხადა კააკმა.

ამასთან, ვიცე-ადმირალმა აღნიშნა, რომ ეს ამ მასშტაბის პირველი წვრთნაა, რომელსაც ბალტიის ზღვაში უმსხვილესი საზღვაო ფორმირება ხელმძღვანელობს.