ისრაელის პრემიერ-მინისტრის, ბენიამინ ნეთანიაჰუს თქმით, ისრაელი საომარ მოქმედებებს არ შეწყვეტს.

„როგორც აშშ არ დათანხმდებოდა ცეცხლის შეწყვეტას პერლ-ჰარბორზე თავდასხმის ან 9/11 ტერაქტის შემდეგ, ასევე ისრაელი არ დათანხმდება „ჰამასთან“ საომარი მოქმედებების შეწყვეტას 7 ოქტომბრის საშინელი თავდასხმების შემდეგ“, – განაცხადა ნეთანიაჰუმ.

ისრაელის პრემიერ-მინისტრმა განმარტა, რომ მოწოდებები ცეცხლის შეწყვეტის შესახებ ნიშნავს ისრაელისადმი მოწოდებას, „ჰამასს“ და ტერორიზმს დანებდეს.

„ბიბლია ამბობს: „არის დრო მშვიდობისა და დრო ომისა. ეს არის ომის დრო. ომი ჩვენი საერთო მომავლისთვის. დღეს ჩვენ ვავლებთ ზღვარს ცივილიზაციის ძალებსა და ბარბაროსობის ძალებს შორის”, - აღნიშნავს ბენიამინ ნეთანიაჰუ.