14 ივნისი, 2022

აშშ-ის ყოფილი პრეზიდენტი დონალდ ტრამპი აცხადებს, რომ „დემოკრატიული პარტია“ ცდილობს, ხელი შეუშალოს მას 2024 წელს საპრეზიდენტო არჩევნებზე კენჭისყრაში, – „ბიბისის“ ინფორმაციით, ამის შესახებ ნათქვამია ტრამპის 12-გვერდიან წერილში, რომლითაც ის კაპიტოლიუმის შტურმის საქმეზე კონგრესში გამართულ ორ საჯარო მოსმენას გამოეხმაურა.

როგორც ტრამპი წერს, ამ მოსმენებით დემოკრატები ცდილობენ, ამერიკელების ყურადღება მათი პარტიის „კატასტროფული მმართველობიდან“ სხვა საკითხებზე გადაატანინონ.

„ჩვიდმეტი თვე გავიდა 6 იანვრის მოვლენების შემდეგ და დემოკრატები გამოსავალს ვერ გვთავაზობენ. არ შეგეშალოთ, ისინი აკონტროლებენ მთავრობას. ისინი არიან პასუხისმგებლები ამ კატასტროფაზე“, – წერს ტრამპი.