erimedia_ravk/EtYXaoJVg.jpeg

ბიძინა ივანიშვილს „კრედიტ სუისმა“ 210 მილიონი დოლარი გადაუხადა

ამბები
ბიძინა ივანიშვილს „კრედიტ სუისმა“ 210 მილიონი დოლარი გადაუხადა
ამბები

ბიძინა ივანიშვილს „კრედიტ სუისმა“ 210 მილიონი დოლარი გადაუხადა

erimedia_ravk/EtYXaoJVg.jpeg
16 თებ

შვეიცარიული ბანკი „კრედიტ სუისი“ აცხადებს, რომ 210 მილიონი დოლარი გადაუხადა საქართველოს ყოფილ პრემიერ-მინისტრს და ბიზნესმენ ბიძინა ივანიშვილს, რომელსაც ბანკთან ხანგრძლივი სასამართლო დავები აქვს.

შესაბამის ინფორმაციას სააგენტო „ბლუმბერგი“ შვეიცარიული ბანკის წარმომადგენლის ელექტრონულ წერილზე დაყრდნობით ავრცელებს.

ამასთან, როგორც „ბლუმბერგი“ წერს, ბანკის განცხადებაში არ არის დაკონკრეტებული, რომელ საქმეზე გადაუხადა ივანიშვილს თანხა, ასევე არაფერია ნათქვამი სინგაპურში მიმდინარე სასამართლო პროცესზე და არ არის მითითებული თანხის გადახდის ვადები.

სტატიის მიხედვით, ბიძინა ივანიშვილმა შვეიცარიული ბანკის, „კრედიტ სუისის“ სატრასტო დანაყოფს სინგაპურის სასამართლოში უჩივლა და ზარალის ანაზღაურებისთვის 800 მილიონი დოლარი მოითხოვა. ივანიშვილმა ფინანსური ორგანიზაცია დაადანაშაულა, რომ არ დაიცვა მისი ინვესტიციები და არ გადადგა სათანადო ნაბიჯები, რათა თავიდან აეცილებინა დანაკარგი, რომელიც დაკავშირებულია კომპანიის ყოფილი ბანკირის, პატრიკ ლესკადრონის მიერ ჩადენილ თაღლითობასთან. „კრედიტ სუისის“ სატრასტო დანაყოფი აცხადებდა, რომ მისი პასუხისმგებლობა შემოიფარგლებოდა მხოლოდ ბიძინა ივანიშვილის კუთვნილი აქტივების მართვით, ხოლო ინვესტიციებთან დაკავშირებულ გადაწყვეტილებებს ბიზნესმენი და მისი ქართველი ბიზნესკონსულტანტი იღებდნენ და ნებისმიერ ზარალზე პასუხისმგებლობა მათ ეკისრებოდათ.

„2018 წელს ლესკადრონი შვეიცარიის სასამართლომ დამნაშავედ ცნო რვა წლის განმავლობაში ყოფილი კლიენტების, მათ შორის ივანიშვილის, ხელმოწერების გაყალბებაში. მან აღიარა გარიგებების გაყალბება და დანაკარგების დამალვა. სასამართლო დოკუმენტების თანახმად, მოგვიანებით ლესკადრონმა სიცოცხლე თვითმკვლელობით დაასრულა. ბანკის მტკიცებით, ლესკადრონი მარტო მოქმედებდა და თავის დანაშაულს კოლეგებს უმალავდა. სატრასტო განყოფილების იურისტმა, ლი ენგ ბენგმა აღიარა, რომ „კრედიტ სუისი“ დათანხმდა ივანიშვილისთვის კომპენსაციის გადახდას, რადგან 2008 წლიდან ვერ უზრუნველყო მისი ქონების ლესკადრონისგან დაცვა. უფრო ფართო შედეგების თავიდან ასაცილებლად, დასკვნითი სიტყვის დროს იურისტმა განაცხადა, რომ ვალდებულია, აანაზღაუროს ეს დანაკარგი. ამასთან, მან აღნიშნა, რომ ვალდებულება არ ვრცელდება აქტივებთან დაკავშირებული საინვესტიციო საქმიანობისგან მიღებული დანაკარგების პასუხისმგებლობაზე. მარტში ბერმუდის სასამართლომ მიიღო გადაწყვეტილება, რომ შვეიცარიულმა ბანკმა „კრედიტ სუისმა“ ბიძინა ივანიშვილს 607 მილიონი დოლარი უნდა გადაუხადოს. სასამართლომ დაადგინა, რომ ბანკის სადაზღვევო განყოფილებამ CS Life-მა ლესკადრონის თაღლითობაზე თვალი დახუჭა. CS Life აღნიშნულ გადაწყვეტილებას გაასაჩივრებს“, – წერს „ბლუმბერგი“.

ხშირად ნანახი
Სარეკლამო
Სარეკლამო
მეტი სიახლეები ამბები
მედიის ცნობით, სომხეთი და აზერბაიჯანი შეთანხმდნენ, სად გაივლის სახელმწიფო საზღვარი
წარმომადგენელთა პალატამ მხარი დაუჭირა ისრაელისთვის 26,4 მილიარდი დოლარის ოდენობის დახმარების პაკეტის გამოყოფას
აშშ-ის წარმომადგენელთა პალატამ უკრაინისთვის სამხედრო დახმარების პაკეტის გამოყოფას დაუჭირა მხარი
დონალდ ტრამპის სისხლის სამართლის საქმეზე ნიუ იორკში სასამართლო პროცესი დაიწყო
ისრაელის მედია - ომის კაბინეტმა ირანის წინააღმდეგ მკაფიო და ძლიერი პასუხის გადაწყვეტილება მიიღო
Სარეკლამო
ისრაელის მედია - ირანმა ისრაელის მიმართულებით ათეულობით უპილოტო საფრენი აპარატი გაუშვა
საფრანგეთის ხელისუფლებამ ირანიდან დიპლომატების ოჯახის წევრების ევაკუაციის განკარგულება გასცა
რეჯეფ თაიფ ერდოღანი - ისრაელი ღაზაში ჩაგვრისთვის საფასურს გადაიხდის
გიორგი აბდალაძე - ვტოვებ პრეზიდენტის ადმინისტრაციას, არავის პატიმრობა არ მიხარია, თუმცა პრეზიდენტის დღევანდელი გადაწყვეტილება არის ყველა იმ ადამიანის შეურაცხყოფა, ვინც სამშობლოს ემსახურება
სალომე ზურაბიშვილი აცხადებს, რომ ლაზარე გრიგორიადისი შეიწყალა, თუმცა ჯერ გადაწყვეტილებაზე ხელი არ მოუწერია
მეტის ჩვენება
Სარეკლამო