რუსეთის ფედერაციის უშიშროების ფედერალური სამსახურის წარმომადგენლები ვლადიმერ პუტინს თავდაცვის მინისტრის სერგეი შოიგუს და რუსეთის შეიარაღებული ძალების გენერალური შტაბის უფროსის ვალერი გერასიმოვის გათავისუფლებისკენ მოუწოდებენ. ამის შესახებ Bloomberg წყაროებზე დაყრდნობით წერს.

გამოცემის ცნობით, „ეფესბეს“ მაღალჩინოსანთა ჯგუფი „ვაგნერის“ დაჯგუფების ლიდერის, ევგენი პრიგოჟინის პოზიციას იზიარებს, რომელიც ქვეყნის უმაღლესი სამხედრო ხელმძღვანელობის შეცვლას მოითხოვდა. იგივე ჯგუფი უკრაინაში უფრო აგრესიული ომის წარმოების და რუსეთში სრულმასშტაბიანი მობილიზაციის გამოცხადების მომხრეა.

გამოცემის ცნობით, ჯერჯერობით „არ არსებობს იმის ნიშნები“, რომ კრემლი შოიგუსა და გერასიმოვის თანამდებობიდან გადაყენებას აპირებს.