უკრაინამ დრონების გამოყენებით რუსეთის ნავთობგადამამუშავებელი სიმძლავრეების 14% მწყობრიდან გამოიყვანა, რამაც რუსეთის შიდა ბაზარზე საწვავის ფასის ზრდა გამოიწვია, თუმცა ამას ელექტროენერგიის წარმოებაზე მინიმალური გავლენა ჰქონდა. ამის შესახებ Bloomberg-ი პენგატონის სადაზვერვო ინფორმაციაზე დაყრდნობით იტყობინება.

გამოცემის ინფორმაციით, მარტის შუა რიცხვებში რუსეთში საწვავი 20-30 პროცენტით გაძვირდა და შიდა ბაზრის მოთხოვნილების დასაკმაყოფილებლად მოსკოვს ექსპორტის შეჩერება მოუწია.

„ამ ზიანის აღმოსაფხვრელად რუსეთმა მარტიდან 6 თვით ბენზინის ექსპორტი აკრძალა და დაიწყო ნავთობპროდუქტების იმპორტი ბელარუსიდან, ყაზახეთის ნაცვლად“, - აღნიშნულია პენტაგონის სადაზვერვო სამსახურის მოხსენებაში.