ბორის ჯონსონმა ჯანდაცვისა და ფინანსთა მინისტრები დანიშნა
6 ივლისი, 2022
გაერთიანებული სამეფოს პრემიერ-მინისტრმა, ბორის ჯონსონმა ფინანსთა მინისტრად ნადიმ ზაჰავი, ჯანდაცვის მინისტრად კი სტივ ბარკლეი დანიშნა, - ინფორმაციას BBC-ი ავრცელებს.
გამოცემა წერს, რომ ბორის ჯონსონი იბრძვის პოლიტიკური გადარჩენისთვის მას შემდეგ, რაც მისი მთავრობის ორმა მნიშვნელოვანმა მინისტრმა თანამდებობა დატოვა. ამასთან, BBC-ი წერს, რომ ბორის ჯონსონს დღეს დეპუტატებთან დაგეგმილ შეხვედრაზე წნეხის ქვეშ მოქცევა ელოდება.
გაერთიანებული სამეფოს ჯანდაცვისა და ფინანსთა მინისტრებმა საჯიდ ჯავიდმა და რიში სუნაკმა გადადგომის შესახებ განცხადება გუშინ გაკეთეს. გადაწყვეტილების მიზეზებზე საჯაროდ არ უსაუბრიათ, თუმცა მათი გადადგომის წერილები ბორის ჯონსონის მიმართ საკმაოდ კრიტიკული იყო.
საჯიდ ჯავიდნა დაწერა, რომ ხელმძღვანელობა არ "მოქმედებს ეროვნული ინტერესების შესაბამისად", ხოლო სუნაკმა აღნიშნა, რომ საზოგადოება მოელის, რომ მთავრობა "სწორად, კომპეტენტურად და სერიოზულად" იმოქმედებს.
