ბრაზილიაში საყოველთაო არჩევნები მიმდინარეობს
ბრაზილიაში საყოველთაო არჩევნები მიმდინარეობს. ქვეყნის მასშტაბით საარჩევნო უბნები ბრაზილიის დროით დილის 8:00 საათიდა გაიხსნა.
მედიის ცნობით, 120 მილიონზე მეტი მოქალაქე ხმას უაღრესად პოლარიზებულ არჩევნებში მისცემს, რომელიც განსაზღვრავს - დაბრუნდება თუ არა ხელისუფლების სათავეში ყოფილი პრეზიდენტი, ლუის ინასიუ ლულა და სილვა თუ ამჟამინდელი პრეზიდენტი, ბრაზილიის სახელმწიფო და პოლიტიკური მოღვაწე - ჟაირ ბოლსონარუ შეინარჩუნებს თანამდებობას კიდევ ოთხი წლის განმავლობაში.
იმ შემთხვევაში, თუ ვერც ერთი კანდიდატი ვერ დააგროვებს ხმების 50%-ზე მეტს, 30 ოქტომბერს არჩევნების მეორე ტური ჩატარდება.
ბოლოდროინდელმა გამოკითხვებმა ცხადჰყო, რომ უპირატესობა ლუის ინასიუ ლულა და სილვას აქვს - გამოკითხულთა 50%-მა განაცხადა, რომ აპირებენ ხმა აღნიშნულ კანდიდატს მისცენ, რომელიც ქვეყნის რიგით ოცდამეთხუთმეტე პრეზიდენტი იყო.