ბრაზილიის პრეზიდენტი აცხადებს, რომ ვლადიმერ პუტინი მომავალ წელს რიო-დე-ჟანეიროში G20-ის სამიტს თუ დაესწრება, არ დააპატიმრებენ
ბრაზილიის პრეზიდენტმა ლუის ინასიო ლულა და სილვამ შაბათს განაცხადა, რომ რუსეთის ლიდერს ვლადიმერ პუტინს არ დააპატიმრებენ ბრაზილიაში, თუკი ის მომავალ წელს რიო-დე-ჟანეიროში "დიდი ოცეულის" შეხვედრას დაესწრება.
ლულამ თქმით, მომავალი წლის ღონისძიებაზე პუტინი მიწვეული იქნება და აღნიშნა, რომ ის თავად აპირებს დაესწროს BRICS-ის განვითარებადი ქვეყნების ბლოკის შეხვედრას.
„მჯერა, რომ პუტინი ადვილად ჩამოვა ბრაზილიაში. შემიძლია გითხრათ, რომ თუ მე ვიქნები ბრაზილიის პრეზიდენტი და ის ბრაზილიაში ჩამოვა, მას არ დააპატიმრებენ“ - განაცხადა ლულა და სილვამ.
როგორც „როიტერი“ წერს, პუტინმა არაერთხელ გამოტოვა საერთაშორისო შეხვედრები და არ დაესწრო დელიში G20-ის შეკრებას, სადაც საგარეო საქმეთა მინისტრი სერგეი ლავროვი გაგზავნა.
შეგახსენებთ, სისხლის სამართლის საერთაშორისო სასამართლომ ვლადიმერ პუტინის დაკავების ორდერი გასცა.