„ბრიქსის“ ლიდერებმა გაერთიანებაში ახალ წევრებად კიდევ ექვსი ქვეყნის: არგენტინის, ეგვიპტის, ირანის, ეთიოპიის, საუდის არაბეთისა და არაბთა გაერთიანებული საამიროების მიწვევა გადაწყვიტეს. ამის შესახებ სამხრეთ აფრიკის პრეზიდენტმა, სირილ რამაფოზამ განაცხადა, რომელიც იოჰანესბურგში „ბრიქსის“ სამდღიან სამიტს მასპინძლობს.

ხუთი ქვეყნის: ბრაზილიის, რუსეთის, ინდოეთის, ჩინეთის და სამხრეთ აფრიკის გაერთიანების სამიტზე ერთ-ერთი მთავარი საკითხი სწორედ ბლოკის გაფართოება იყო.

სამხრეთ აფრიკაში სამიტი დღეს სრულდება. „ბრიქსის“ სამიტზე რუსეთს საგარეო საქმეთა მინისტრი სერგეი ლავროვი წარმოადგენდა.

ინფორმაციას სააგენტო Reuters ავრცელებს.