რუსეთი ფედერაციის პრეზიდენტის, ვლადიმერ პუტინის ნაცვლად, „ბრიქსის“ სამიტზე დასასწრებად სამხრეთ აფრიკის რესპუბლიკაში რუსეთის საგრეო საქმეთა მინისტრი სერგეი ლავროვი ჩავიდა.

სამიტზე რუსეთის პრეზიდენტი იყო მიწვეული, თუმცა, სისხლის სამართლის საერთაშორისო სასამართლოს მიერ გაცემული დაპატიმრების ორდერის გამო, პუტინის გამგზავრების საკითხი დიდი ხნის მანძილზე ეჭვქვეშ იდგა.

ვლადიმერ პუტინი "ბრიქსის" სამიტში მონაწილეობას ვიდეოკონფერენციის საშუალებით მიიღებს. თავად რუსეთის პრეზიდენტის განცხადებით, "მისი ყოფნა ახლა რუსეთში უფრო მნიშვნელოვანია,".

„ბრიქსის“ სამიტი სამხრეთ აფრიკის რესპუბლიკაში, იოჰანესბურგში 22-დან 24 აგვისტოს ჩათვლით გაიმართება. მოწვეულთა შორის აფრიკის 54 ქვეყნის ლიდერია.