ბრიტანეთის თავდაცვის უწყება რუსეთში ნაწილობრივი მობილიზაციის გამოცხადებაზე - პუტინი მნიშვნელოვან პოლიტიკურ რისკზე მიდის
22 სექტემბერი, 2022
ნაწილობრივი მობილიზაცია რუსეთის მოსახლეობის ნაწილში საკმაოდ არაპოპულარული იქნება, - ამის შესახებ გაერთიანებული სამეფოს თავდაცვის უწყების ანგარიშშია აღნიშნული.
„რუსეთს, სავარაუდოდ, ლოგისტიკურ და ადმინისტრაციულ გამოწვევებთან ბრძოლა მოუწევს, თუნდაც 300 000 სამხედრო მოსამსახურის შეკრებით. ის, ალბათ, შეეცდება ამ ჯარისკაცებით ბევრი ახალი ფორმირების ჩამოყალიბებას, რომლებიც ნაკლებად სავარაუდოა, რომ რამდენიმე თვის განმავლობაში საბრძოლო მზადყოფნაში იყვნენ“, - აცხადებენ უწყებაში.
ამასთან, თავდაცვის სამინისტროს შეფასებით, ნაწილობრივი მობილიზაციაც კი ძალზე არაპოპულარული იქნება რუსეთის მოსახლეობის ნაწილში.
„პუტინი მნიშვნელოვან პოლიტიკურ რისკზე მიდის იმ იმედით, რომ საჭირო საბრძოლო ძალას მიიღებს“, - აცხადებენ უწყებაში.
გაერთიანებული სამეფოს თავდაცვის სამინისტროს შეფასებით, ეს ნაბიჯი ფაქტობრივად იმის აღიარებაა, რომ რუსეთმა ამოწურა იმ მოხალისეების რეზერვი, ვინც უკრაინაში საბრძოლველად თავისი სურვილით მიდის.
