ცაგერის მერმა გიორგი ნემსაძემ თანამდებობა დატოვა, აღნიშნულ შესახებ განცხადება ნემსაძემ სოციალურ ქსელში გამოაქვეყნა.

როგორც ცაგერის ყოფილმა მერმა განმარტა, გადაწყვეტილება პირადი მიზეზების გამო მიიღო და ეს ნაბიჯი პოლიტიკურ შეხედულებების ცვლილებას არ უკავშირდება.

"მჯერა, რომ "ქართული ოცნება" საქართველოში საქმეზე ორიენტირებული ერთადერთი პოლიტიკური ძალაა. შესაბამისად, მე კვლავაც ვრჩები გუნდის რიგით წევრად და ჩვენი მუნიციპალიტეტისა თუ ქვეყნის სამსახურს სხვა პოზიციიდან გავაგრძელებ", - აღნიშნულია წერილში.

გიორგი ნემსაძემ ცაგერის მოსახლეობასა და მუნიციპალიტეტის მერიის გუნდის თითოეულ თანამშრომელს ნდობისთვისა და მხარდაჭერისთვის მადლობა გადაუხადა.