„ცაჰალი“ - ისრაელის ძალებმა ღაზაში „ჰამასის“ საგუშაგო დაიკავეს
ისრაელის სამხედრო ძალებმა "ჰამასის" სამხედრო ფორპოსტზე ღაზას ცენტრში კონტროლი დაამყარეს, - ამის შესახებ ისრაელის თავდაცვის ძალებში აცხადებენ.
"ცაჰალის" განმარტებით იმ ტერიტორიაზე ტანკსაწინააღმდეგო გამშვები დანადგარები და რაკეტები, იარაღი და სადაზვერვო მასალები იყო განლაგებული.
სამხედროების თქმით, ისრაელის სამხედრო თვითმფრინავებმა "ჰამასის" დაახლოებით ათი წევრის ადგილსამყოფელზე მიიტანეს იერიში.
შეგახსენებთ, რომ სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.
