ინტერნეტ-გამოცემა Todofichajes-ის ინფორმაციით, ლონდონის „ჩელსი“ დაუბრუნდა „ნაპოლის“ ფორვარდის ვიქტორ ოსიმჰენის კანდიდატურას. ინგლისური კლუბი ახალი ცენტრფორვარდის ძიებაშია და ხელმძღვანელობას 24 წლის ნიგერიელი იდეალურ კანდიდატად მიაჩნია.

აღნიშნავენ, რომ „ჩელსი“ მზად არის ფეხბურთელში 170 მილიონი ევრო გადაიხადოს.

ადრე გახდა ცნობილი კონფლიქტის შესახებ ოსიმჰენსა და „ნაპოლის“ შორის, რისი მიზეზიც იყო ნეაპოლური კლუბის სოციალურ ქსელში ვიდეორგოლის განთავსება, რომელიც ნიგერიელმა შეურაცხყოფად მიიღო. ფორვარდის აგენტმა განაცხადა, რომ ამის გამო შეიძლება სასამართლოსაც მიმართოს.

მიმდინარე სეზონში ოსიმჰენის ანგარიშზე შვიდი მატჩია ყველა ტურნირზე, რომლებშიც ოთხი გოლი გაიტანა და ერთი შედეგიანი გადაცემა შეასრულა.