ჩინეთის საგარეო საქმეთა მინისტრი - მხარს ვუჭერთ ნებისმიერ ღონისძიებას, რომელიც ხელს უწყობს უკრაინის კრიზისის მშვიდობიან დარეგულირებას
24 სექტემბერი, 2022
ჩინეთი მხარს უჭერს ნებისმიერ ღონისძიებას, რომელიც ხელს უწყობს უკრაინის კრიზისის მშვიდობიან დარეგულირებას და მოუწედებს ჩართულ მხარეებს არ მისცენ კონფლიქტს "შემდგომი განვითარების" საშუალება. ამის შესახებ შაბათს, ჩინეთის საგარეო საქმეთა მინისტრმა, ვან იმ, ნიუ-იორკში, გაერო-ს გენერალური ასამბლეის 77-ე სესიაზე სიტყვით გამოსვლისას განაცხადა.
"ჩინეთი მხარს უჭერს ყველა ძალისხმევას, რაც უკრაინის კრიზისის მშვიდობიანი გზით მოგვარებას შეუწყობს ხელს", - განაცხადა მინისტრმა.
მისივე თქმით, ამ მომენტისთვის მთავარი პრიორიტეტია შერიგების ხელშეწყობა და მოლაპარაკებების გამართვაში დახმარება, ამასთან, ფუნდამენტური გამოსავალი მდგომარეობს იმაში, რომ გათვალისწინებულ იქნას ყველა მხარის რაციონალური შეშფოთება და შემუშავდეს დაბალანსებული, ეფექტური და მყარი უსაფრთხოება.
"მოვუწოდებთ ყველა მხარეს, თავიდან აიცილონ კრიზისის "გავრცელების" ეფექტი, უზრუნველყონ განვითარებადი ქვეყნების კანონიერი უფლებებისა და ინტერესების დაცვა", - აღნიშნა დიპლომატმა.
უმაღლესი რანგის კვირეული 20-დან 26 სექტემბრამდე ნიუ-იორკში, გაეროს შტაბ-ბინაში ტარდება. ღონისძიებაში, რომლითაც გენერალური ასამბლეის ახალი, ყოველწლიური სესია იხსნება, ტრადიციულად, პრეზიდენტები, პრემიერ-მინისტრები, მინისტრები მონაწილეობენ.