ჩუღურეთის, ისნისა და ნაძალადევის რაიონებში რამდენიმე ქუჩას წყალმომარაგება ერთი დღით შეუწყდება
„ჯორჯიან უოთერ ენდ ფაუერის“ ცნობით, 9 დეკემბერს ღრმაღელე-ვაზისუბნის წყალგამტარ გვირაბზე წყალმომარაგების სტაბილურობისთვის აუცილებელი სამუშაოები ჩატარდება.
GWP-ის ცნობით, სამუშაოები პარალელურად ოთხ სხვადასხვა მისამართზე შესრულდება: ვაზისუბნის რეზერვუარზე, სატუმბო სადგურზე, აგრეთვე ქვალონისა და უშაკოვის ქუჩებზე, სადაც წყალსადენის ქსელზე გადაერთებითი სამუშაოები ჩატარდება და ახალი ურდულები დამონტაჟდება.
აღნიშნულთან დაკავშირებით, 9 დეკემბერს, 14:00 საათიდან 10 დეკემბრის 14:00 საათამდე წყალმომარაგება შეეზღუდება: ჩუღურეთის რაიონში – ნორიოს, ჩეჩელაშვილის, ხუდადოვის და მიმდებარე ქუჩებს, ივერთუბნის დასახლებას. ისნის რაიონში – ქეთევან დედოფლის გამზირის ნაწილს, წურწუმიას, აწყურის, წულუკიძის III, IV გუჯარეთის, დოლაბაურის და მიმდებარე ქუჩებს; მოსკოვის გამზირის ნაწილს, ვაზისუბნის დასახლებას და მიკრორაიონებს, სულაქველიძის, დავითიანის და მიმდებარე ქუჩებს; ვარკეთილი IV მიკრორაიონის მე-3 კვარტალს. ნაძალადევის რაიონში – გეგუთის, ლიახვის, ღრმარელეს, ხუდადოვის, ბენდელიანის და მიმდებარე ქუჩებს.