ცნობილია ვინ შეასრულებს პრინც უილიამისა და კეიტ მიდლტონის როლებს სერიალ „გვირგვინში“
5 სექტემბერი, 2022
სერიალ „გვირგვინის“ შემქმნელებმა მეექვსე სეზონში პრინც უილიამისა და კეიტ მიდლტონის როლებისთვის მსახიობები შეარჩიეს. ამის შესახებ BBC წერს.
გამოცემის ინფორმაციით, დიდი ბრიტანეთის ტახტის მემკვიდრის როლს რუფუს კამპა და ედვარდ მაკვეი შეასრულებენ. კამპა თინეიჯერი პრინცის როლს მოირგებს, მაკვეი კი ზრდასრულის. კენსინგტონის ჰერცოგინიას კი მეგ ბელამი განასახიერებს.
სამივე მსახიობისთვის „გვირგვინი“ ტელედებიუტი იქნება. მაკვეი და კამპა თეატრის მსახიობები არიან, ბელამი კი აქამდე მხოლოდ სამოყვარულო სურათებსა და დადგმებში მონაწილეობდა.
ამ ეტაპზე „გვირგვინის“ მეექვსე სეზონის პრემიერის თარიღი უცნობია, შოუს მეხუთე სეზონს კი მაყურებელი ნოემბერში იხილავს. მასში დედოფალ ელისაბედის როლს იმელდა სტონტონი ასრულებს, პრინცესა დიანას ელიზაბეტ დებიკი განასახიერებს, პრინცს ჩარლზს კი დომინიკ ვესტი.
„გვირგვინი“ Netflix-ის ისტორიული დრამაა, რომელიც ბრიტანეთის სამეფო ოჯახის შესახებ მოგვითხრობს. შოუს პრემიერა 2016 წელს შედგა. სერიალს არაერთი ჯილდო, მათ შორის „ოქროს გლობუსი“, „ემი“ და „ბაფტა“ აქვს მოპოვებული.
