დასავლეთ ვირჯინიის გუბერნატორმა, ჯიმ ჯასტისმა ხელი მოაწერა კანონს აბორტის აკრძალვის შესახებ
17 სექტემბერი, 2022
რესპუბლიკელმა გუბერნატორმა, ჯიმ ჯასტისმა პარასკევს ხელი მოაწერა კანონს ორსულობის ყველა სტადიაზე აბორტების აკრძალვის შესახებ. შესაბამისად, დასავლეთ ვირჯინია გახდა მეორე შტატი, რომელმაც აბორტსაწინააღმდეგო კანონი აამოქმედა. შეგახსენებთ, რომ ივნისში აშშ-ის უზენაესმა სასამართლომ აბორტის კონსტიტუციური დაცვის გაუქმების შესახებ მიიღო გადაწყვეტილება.
გუბერნატორის თქმით, კანონი დაუყონებლივ შევა ძალაში, გარდა სისხლის სამართლის სასჯელისა, რომელიც 90 დღეში ამოქმედდება. ჯიმ ჯასტისმა "Twitter"-ზე დაწერა, რომ "ეს არის კანონპროექტი, რომელიც სიცოცხლეს იცავს".
"თავიდანვე ვაცხადებდი, რომ თუ დასავლეთ ვირჯინიის კანონმდებლები მომიტანდნენ კანონპროექტს, რომელიც იცავს სიცოცხლეს და ასევე, მოიცავს გონივრულ და ლოგიკურ გამონაკლისებს, მე მას ხელს მოვაწერდი. სწორედ ეს გავაკეთე მე დღეს", - განახადა გუბერნატორმა.
ამასთან, ხუთშაბათს ძალაში შევიდა ინდიანას შტატში აგვისტოში მიღებული კანონი აბორტების აკრძალვის შესახებ.
