დავით ბერძენიშვილის მიმართ განხორციელებული დევნის ფაქტზე დაკავებულს პატიმრობა შეეფარდა

ამბები/ წყარო: www.interpressnews.ge
დავით ბერძენიშვილის მიმართ განხორციელებული დევნის ფაქტზე დაკავებულს პატიმრობა შეეფარდა
ამბებიწყარო: www.interpressnews.ge

დავით ბერძენიშვილის მიმართ განხორციელებული დევნის ფაქტზე დაკავებულს პატიმრობა შეეფარდა

8 ივნისი, 2022

erimedia_ravk/OWkRVnC7g.webp

დავით ბერძენიშვილის პოლიტიკურ მოღვაწეობასთან დაკავშირებით, მის მიმართ ძალადობით განხორციელებულ დევნაში ბრალდებულ ირაკლი ხომასურიძეს აღკვეთის ღონისძიების სახით პატიმრობა შეეფარდა.

აღნიშნული გადაწყვეტილება თბილისის საქალაქო სასამართლოს მოსამართლე ლაშა კლდიაშვილმა მიიღო.

პროკურატურა დაკავებულის მიმართ ყველაზე მკაცრი აღკვეთის ღონისძიების პატიმრობის გამოყენებას ითხოვდა. დაცვის მხარე კი ბრალდებულის 1000-ლარიანი გირაოს სანაცვლოდ გათავისუფლებას ითხოვდა.

პროკურორ ანა ლელიაშვილის განცხადებით, ხომასურიძე დავით ბერძენიშვილს შეურაცხმყოფელ სიტყვებს უწოდებდა. ბრალდებულმა მას წვივის არეში ჩაარტყა ფეხი, რის შედეგადაც მან დაზიანება მიიღო.

პროკურორის განმარტებით, დაკავებულის მხრიდან ადამიანის უფლებების წინააღმდეგ მიმართული დანაშაულის ჩადენა მოხდა. მისივე თქმით, დაკავებულის მხრიდან მოწმეებზე ზემოქმედებისა და მტკიცებულებების განადგურების საფრთხე არსებობს.

საქმეზე მოწმის სახით არის დაკითხული ხათუნა სამნიძე.

ადვოკატ ნოდარ იკაშვილის განცხადებით, ხომასურის დაკავება ხელოვნურად შექმნილი დაკავების საფუძველია. იკაშვილის თქმით, ბრალდებული აღკვეთის ღონისძიების გარეშე უნდა დარჩენილიყო. თუმცა, ადვოკატმა სასამართლოს ალტერნატივის სახით 1000-ლარიანი გირაოს გამოყენება შესთავაზა.

ცნობისთვის, ირაკლი ხომასურიძეს ბრალი ოფიციალურად გუშინ წარუდგინეს. მას ბრალდება საქართველოს სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით (ადამიანის დევნა მის პოლიტიკურ მოღვაწეობასთან დაკავშირებით, ჩადენილი ძალადობით) წარედგინა.

შემთხვევა 6 ივნისს, თბილისში, რუსთაველის გამზირზე მოხდა. „რესპუბლიკური პარტიის“ ერთ-ერთ ლიდერს, დავით ბერძენიშვილსა და პარტიის თავმჯდომარეს, ხათუნა სამნიძეს თავს დაესხნენ.

დავით ბერძენიშვილი და ხათუნა სამნიძე დაზარალებულად ცნეს.

ხშირად ნანახი
Სარეკლამო
Სარეკლამო
მეტი სიახლეები ამბები
გერმანიის საგარეო საქმეთა მინისტრი ანალენა ბერბოკი კიევში ჩავიდა
ერთ-ერთი ამერიკელი კონგრესმენის მიერ ინიცირებულ კანონპროექტთან დაკავშირებით „ქართული ოცნების“ პოლიტიკური საბჭო განცხადებას ავრცელებს
ირანში საპრეზიდენტო არჩევნები 28 ივნისს გაიმართება
ჰააგის სასამართლოს გადაწყვეტილების საპასუხოდ, აშშ-ის წარმომადგენელთა პალატის რესპუბლიკელი ლიდერები სანქციების დაწესებას განიხილავენ
საფრანგეთი მხარს უჭერს ჰააგის სასამართლოს გადაწყვეტილებას ისრაელის პრემიერისა და „ჰამასის“ ლიდერების დაპატიმრების ორდერის მოთხოვნის შესახებ
Სარეკლამო
„პოლიტიკო“ - საქართველო დემოკრატიის განმტკიცებაში მდგრად პროგრესს თუ აჩვენებს, აშშ საქართველოსთვის მნიშვნელოვანი სამხედრო, სავაჭრო პაკეტის გადაცემასა და სავიზო რეჟიმის ლიბერალიზაციას განიხილავს
სისხლის სამართლის საერთაშორისო სასამართლოს პროკურორი კარიმ ხანი ისრაელის პრემიერ-მინისტრის და „ჰამასის“ ლიდერების დაკავების ორდერის გაცემას ითხოვს
ირანის შეიარაღებული ძალების შტაბის მეთაურმა ვერტმფრენის ჩამოვარდნის მიზეზების გამოძიების ბრძანება გასცა
ალექსანდრ ლიტვინენკო - უკრაინა აცნობიერებს, რომ ომი მოლაპარაკებებით დასრულდება, ამიტომ მომზადდა ვოლოდიმირ ზელენსკის მშვიდობის ფორმულა
ირაკლი კობახიძე - საქართველო ღრმა მწუხარებას გამოთქვამს ირანის პრეზიდენტის, საგარეო საქმეთა მინისტრის და ხელისუფლების სხვა წარმომადგენლების დაღუპვის გამო
მეტის ჩვენება
Სარეკლამო