3 სექტემბერი, 2022

საქართველოს საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე "მთავარი არხის" მიერ გავრცელებულ ინფორმაციას სოციალურ ქსელში ეხმაურება:

"დღეს კიდევ ერთი მცდელობა იყო სკანდალის ძებნისა საეკლესიო წიაღში, ამჯერად [ტელეკომპანია] "მთავარი არხისგან", რომ "სვეტიცხოველში რუსული ლოცვა ისმოდა".

კიდევ ერთხელ განვმარტავ - ძველ სლავურ ენაზე საეკლესიო მსახურებას აღავლენენ: რუსეთის, უკრაინის, ბელარუსის, ჩეხეთის, სერბეთის, სლოვაკეთის, ბულგარეთის ეკლესიებში.

დღეს მომლოცველები ბელარუსიდან არიან ჩამოსული. მათ თან ახლავთ ბულგარელი მღვდელი და დიაკონი, მონაწილეობას იღებენ ლოცვაში, ხვალ კი - მონაწილეობას მიიღებენ ლიტურგიაში.

საეკლესიო ტრადიციით, ეკლესიაში მოსულ სტუმრებს საშუალება ეძლევათ საკუთარ ენაზე წარმოთქვან ერთი ან რამდენიმე ლოცვა.

სვეტიცხოველში არ შეშვება კი, სავარაუდოდ, სიუჟეტის სიმძაფრისთვის დამატებული ეფექტია", - ნათქვამია განცხადებაში.