დღეს, ქუთაისის საერთაშორისო მოკლემეტრაჟიანი ფილმების ფესტივალი გაიხსნა
24 სექტემბერი, 2022
დღეს, ქუთაისში, კინოთეატრ "საქართველოში" ქუთაისის საერთაშორისო მოკლემეტრაჟიანი ფილმების ფესტივალი გაიხსნა. ფესტივალი წელს მეორედ იმართება.
24-დან 29 სექტემბრამდე, ფესტივალის ფარგლებში, შესაძლებელი იქნება ქართული და უცხოური ფილმების ნახვა.
გამოვლინდებიან გამარჯვებულები სხვადასხვა ნომინაციაში, მოეწყობა ფილმების რეტროსპექტული ჩვენებები და მასტერ -კლასები. ფესტივალის მთავარი პრიზია "ოქროს დინოზავრი".
ქუთაისი ქართული კინოს აკვანია და შემთხვევითი არაა, რომ სწორედ აქ დაფუძნდა ეს ფესტივალი.
,, ორგანიზატორები ძალიან საინტერესო პროგრამას გვთავაზობენ. 29 სექტემბერს კომპეტენტური ჟიური გამარჯვებულებს გამოავლენს და "ოქროს დინოზავრსაც" ახალი მფლობელი ეყოლება.
წარმატებულ, საინტერესო და მრავალფეროვან დღეებს ვუსურვებ ფესტივალის ყველა მონაწილეს!"-განაცხადა ქუთაისის მერმა იოსებ ხახალეიშვილმა. ფესტივალი მიხეილ კობახიძის ფილმი "ქორწილი"-თ გაიხსნა. საფესტივალო ფილმების ჩვენებაზე დასწრება თავისუფალია.