დიდ დიღომში 12 წლის მოზარდი გარდაცვლილი იპოვეს. სასწრაფოს ექიმების მცდელობის მიუხედავად, გოგონას გადარჩენა ვერ მოხერხდა. არასრულწლოვანის ცხედარი გვიან ღამით პროზექტურაში გადაასვენეს, სადაც ექსპერტიზა უტარდება.

ტელეკომპანია "რუსთავი 2"-ის ინფორმაციით, ბავშვს სხეულზე, ყელის არეში დაზიანებები აღენიშნება.

ექსპერტიზის დასკვნამდე გამოძიება სისხლის სამართლის კოდექსის 109-ე მუხლით მიმდინარეობს რაც განზრახ მკვლელობას გულისხმობს დამამძიმებელ გარემოებებში.

გარდაცვალების მიზეზი ჯერ არ დასახელებულა, ოფიციალური ინფორმაცია არც შინაგან საქმეთა სამინისტროს გაუვრცელებია. გოგონას დაკარგვის შესახებ სოციალურ ქსელში გუშინ საღამოს დაიწერა, მას ოჯახის წევრები ეძებდნენ.