წელს დიდგორობის დღესასწაული შოვში მომხდარი ტრაგედიის გამო არ აღინიშნება. თეთრიწყაროს მუნიციპალიტეტში, დიდგორის ველზე, სასულიერო პირებმა პარაკლისი აღავლინეს და ბრძოლაში დაღუპულ გმირებს და ასევე, რაჭაში ტრაგედიის დროს დაღუპულ ადამიანებს პატივი მიაგეს.

„მეუფე ანანია ჯაფარიძემ პანაშვიდი გადაიხადა იმ გმირების სულის სახსენებლად, ვინც ამ დღეს თავი შესწირა საქართველოს ერთიანობას. მეუფემ პანაშვიდი გადაიხადა შოვში გარდაცვლილი ადამიანების სულის სახსენებლადაც“, - განაცხადა ქვემო ქართლის სახელმწიფო რწმუნებულის მოადგილემ ნიკა კობახიძემ.

12 აგვისტოს დიდგორობა აღინიშნება. 1121 წლის დიდგორის ბრძოლას საქართველოს ისტორიაში გამორჩეული ადგილი უკავია. დავით აღმაშენებლის მეთაურობით, ბრძოლა ერთიანობისა და ქვეყნისთვის თავდადების სიმბოლოდ იქცა.

ღონისძიებები, რომელიც თეთრიწყაროს მუნიციპალიტეტში, ტრადიციულად, ყოველ წელს ტარდება, წელს კურორტ შოვში მომხდარი ტრაგედიის გამო არ გაიმართება.