დიდი ბრიტანეთის მთავრობამ რუსეთის საელჩოს წარმომადგენელი დაიბარა, რათა განემარტათ, რომ ალექსეი ნავალნის გარდაცვალებასთან დაკავშირებით ისინი სრულ პასუხისმგებლობას რუსეთის ხელისუფლებას აკისრებენ, – ამის შესახებ განცხადებას დიდი ბრიტანეთის საგარეო საქმეთა უწყება ავრცელებს.

„რუსეთის ხელისუფლება ბატონ ნავალნის საფრთხედ აღიქვამდა. ბოლო წლების განმავლობაში ხელისუფლებამ ის შეთითხნილი ბრალდებებით დააპატიმრა, მოწამლა აკრძალული ნერვული აგენტით და გაგზავნა არქტიკის სასჯელაღსრულების კოლონიაში. არავის უნდა ეპარებოდეს ეჭვი რუსული სისტემის სასტიკ ბუნებაში“, – წერია საგარეო საქმეთა სამინისტროს განცხადებაში.

უწყებაში განმარტავენ, რომ ნავალნის სიკვდილი სრულად და გამჭვირვალედ უნდა იქნას გამოძიებული.