ინდოეთის დედაქალაქში 9 სექტემბერს „დიდი ოცეულის“ სამიტი იწყება.

სამიტს არ ესწრებიან რუსეთისა და ჩინეთის ლიდერები. ვლადიმერ პუტინის ნაცვლად, ნიუ-დელიში რუსეთის საგარეო საქმეთა მინისტრი სერგეი ლავროვი ჩავიდა.

ორდღიანი შეხვედრის განმავლობაში, მსოფლიოს უდიდესი ეკონომიკის მქონე ქვეყნები მდგრად განვითარებაზე, კლიმატის ცვლილებაზე, სამხრეთის ქვეყნების ეკონომიკურ გამოწვევებზე და გეოპოლიტიკურ დაძაბულობაზე იმსჯელებენ.

ინდოეთის პრემიერ-მინისტრმა ნარენდრა მოდიმ პირობა დადო, რომ უკრაინას არ მისცემს სამიტის დაჩრდილვის შესაძლებლობას, რის გამოც უკრაინა ამჯერად სამიტზე საერთოდ არ მიუწვევიათ.

„დიდი ოცეულის“ სამიტი 9-10 სექტემბერს გაიმართება.