11 სექტემბერი, 2022

იურისტი, პრიმაკოვის სახელობის ქართულ-რუსული საზოგადოებრივი ცენტრის დირექტორი, დიმიტრი ლორთქიფანიძე აცხადებს, რომ TBC ბანკმა სანქციები დაუწესა და ანგარიშები დაუხურა. ამის შესახებ პარლამენტის ყოფილი წევრი Facebook-ის საკუთარ გვერდზე წერს:

„TBC ბანკმა სანქცია დამადო და ანგარიშები დამიხურა! დაიწყო საბანკო ტერორი!!! პასუხი გაგეცემათ!!!“ - წერს ლორთქიფანიძე.

სტატუსის კომენტარებში ის ბანკისგან მიღებულ წერილსაც ავრცელებს, სადაც წერია, რომ დიმიტრი ლორთქიფანიძეს ერთი კვირის ვადა აქვს ანგარიშებზე არსებული თანხის სხვა ბანკებში გადასატანად. წერილში ანგარიშების დახურვის მიზეზად ბანკის შიდა პოლიტიკაა დასახელებული.

„ანგარიშების დახურვასთან დაკავშირებით გადაწყვეტილება მიღებულია კანონმდებლობით მინიჭებული უფლებამოსილების ფარგლებში: „კომერციული ბანკების საქმიანობის შესახებ“ საქართველოს კანონის 21-ე პრიმა მუხლის მე-4 ნაწილის თანახმად, „საქართველოში მოქმედ კომერციულ ბანკს უფლება აქვს, ყოველგვარი დასაბუთების გარეშე უარი განაცხადოს ანგარიშის გახსნაზე ან მომსახურების გაწევაზე“, – ნათქვამია თანდართულ ფოტოზე ასახულ TBC ბანკის წერილში.