დიმიტრი მედვედევი - ბირთვული სახელმწიფოს ძალადობრივი დაშლა ყოველთვის სიკვდილთან ჭადრაკის თამაშს ნიშნავს
3 სექტემბერი, 2022
“უცხოელი ანალიტიკოსები კვლავ წერენ ყველა იმპერიის სიკვდილის გარდაუვალობაზე. ბევრი დასავლელი პოლიტიკოსი ამაზე ხმამაღლა საუბრობს. მათი თქმით, არაერთი იმპერია დაიშალა, მაგრამ, რუსეთი - საბჭოთა კავშირის დაშლის მიუხედავად - განაგრძობს არსებობას და მათი აზრით, ეს ცუდია. ამიტომ, ყველა გზით უნდათ, რომ უბიძგონ ჩვენს სახელმწიფოს დეზინტეგრაციისკენ და ამისთვის უკრაინასთან შეიარაღებულ კონფლიქტსაც იყენებენ. ისინი მზად არიან ყველაფერი გააკეთონ იმისათვის, რომ რუსეთის სახელმწიფო ინსტიტუტებმა შეწყვიტონ მუშაობა და ქვეყანამ მმართველობის ეფექტური ფორმა დაკარგოს, როგორც ეს აწ უკვე შორეულ 1991 წელს მოხდა. მიზანი პოლიტიკური ველიდან რუსეთის ჩამოშორებაა", - ამის შესახებ რუსეთის უშიშროების საბჭოს ხელმძღვანელის მოადგილე, დიმიტრი მედვედევი “ტელეგრამში“ წერს.
"ეს მცდელობები სინამდვილეში ძალიან სახიფათოა და მათი უგულებელყოფა არ შეიძლება. თუმცა, არსებობს მარტივი აქსიომა: ბირთვული სახელმწიფოს ძალადობრივი დაშლა - ყოველთვის სიკვდილთან ჭადრაკის თამაშს ნიშნავს, რომელშიც ზუსტად არის ცნობილი, როდის იქნება ქიში და შამათი. კაცობრიობის განკითხვის დღე", - წერს დიმიტრი მედვედევი.
